Jer 20 | ZomZIV | STEP | Jeremiah in hih thute a gen TOPA biakinnpi ukpipa Immer tapa, siampi Pashhur in a zak ciangin

Jeremiah 20

Jeremiah le Pashhur

1 Jeremiah in hih thute a gen TOPA biakinnpi ukpipa Immer tapa, siampi Pashhur in a zak ciangin 2 kamsangpa Jeremiah satin kolbulh a, Benjamin Kongpi Saknung a TOPA biakinnpi ah a koih hi. 3 A zingciang, Pashhur in a kol a sutkhiat ciangin Jeremiah in, “TOPA in na min Pashhur ci nawn loin Magor - Missabib ^{▼▼20.3 Magor-Massibib pen kimkot launa cihna} hong ci ta hi. 4 Ahang in, hih in TOPA gen ahi hi: ‘Nang le na lawmte lau nadingin kong bawl dinga a galte un namsau in amaute a thah uh na mu ding uh hi. Judah-te khempeuh Babylon kumpipa tungah kipia dinga amah in Babylon ah paipih in namsau in a that ding hi. 5 Galte khutah hih khuapi hauhna khempeuh - a piang khempeuh, van manpha khempeuh le Judah kumpite goupi khempeuh a piakhia ding hi. Amaute in 6 galvan matin la-in lamang ding uh a, Babylon ah a tun ding uh hi. Tuateh nang Pashhur le na inn a na ompih khempeuh Babylon ah salin hong kikai ding hi. Tua lai-ah nang le na lawmte in zuau kamsanga na genna uh mite khempeuh na si ding uh a, hong kivui ding hi,’ ci in,” hong ci hi. ^b

Jeremiah Phunna

7 TOPA aw, kei nong khem ^{▼▼20.7 Ahikeh zol} a, kei hong kikhem ^{▼▼20.7 Ahikeh zol} ahi hi; ^e
kei sangin nang na hatzaw a, kei nong zo hi. ^f
Sun nilohin ciamnuihna-in hong kinei a,
a kuamahpeuh in hong selnoh uh hi. ^g
8 Ka paukhiat nak leh ngongtatna le
siatna ka tangko khia hi. ^h
Tua ahi ciangin TOPA kammal ka genkhiatna hangin
sun niloh-in hong ki-engko a hong kisimmawh hi. ⁱ
9 “Amah genkha nawn kei ning,
ama min lo nawn dah ning ka cih hangin
lah ama thu ka lungtang ah mei bangin ^j
kuanga ka guh sung hong zen hi.
Ka ki-ipipna-in ka gima,
gen loin ka om thei peuhmah kei hi.
10 Hong huau tampi ka za a,
“Kim le pam ah launa bekbek! ^k
Amah hek un! Amah hek un!” hong kici hi. ^l
Ka lawmte khempeuh in ^m
ka puk ding hong pang gige kawmin, ⁿ
“Amah i khem zo kha ding hi;
khem zo leng amah i zo pah dinga ^o
a phu i la zo ding hi,” kici uh hi. ^p
11 Ahi hangin TOPA in a thahat galhangpa bangin kei hong ompih hi; ^q
tua ciangin kei hong bawlsiate muktu-in hong zo lo ding uh hi.
Amaute gal lelin zahlak gawp ding uh a,
amaute thuman’lohna a kimangngilh ngei kei ding hi.
12 Thahatpen TOPA aw, nang in a thumaante na encian a,
lungsim le ngaihsutna na sittel hi, ^r
ka thu nang tung hong tun khin ka hi manin, ^s
amaute tunga na phulakna kei hong musak in. ^t
13 TOPA la sak un! ^u
TOPA pahtawi un!
Amah in migilote khut panin ^v
a kitasamte nuntakna a hu hi. ^w
14 Ka suah ni kihamsiat ta hen!
Ka nu in kei hong suah ni in thupha ngah kei hen!
15 Ka pa, thuthak va zasaka, lungdamsak mahmah in,
“Ta khat nei cin, pasal hi ei!”
ci-a a va kopa in hamsiatna thuak ta hen.
16 TOPA in hehpih lo-a
a lotthal khuapite tawh tua mipa kibang hen. ^x
Amah in zingsangin kahna aw za henla
sunin galsimna aw za ta hen.
17 Ahang in, amah in ka nu gilsung ah
hong sisak loin, ka nu, ka hankhuk suaksak lo-a, ^y
a gil sungah hong omsak suak kei hi.
18 Bang hangin lungkhamna le dahna
mu ding le maizumsa-a si dingin ^z
ka nu gil pan suakkhia laizang ka hi hiam? ^aa